طاقة أعلى، قوام مشدود، وقدرة على ممارسة يومكِ بحرية وبدون ألم

“السلام عليكم ورحمة الله وبركاته كيفك حبيبتي كوتش الاء والجروب كله، انا اشكرك من كل قلبي ومن كل جسدي وبكل تفكيري انتي بفضل الله والشكر له اولا والله انا الي من الخميس بالمستشفى مع زوجي عنده عمليه.. انا اليوم بفضل الله بروح وباجي وانا بالمستشفى بمشي وبشكر الله ثم بشكر كوتش الاء وبدعيلك وانا ماشيه لانه المشي كان صعب جدا جدا جدا بالنسبه لي من خشونة الركبة المتقدمه بفرح لاني صرت امشي ومااحكي كل شوي أاااخ لانها ماكانت تروح من لساني مو شكوى بس تطلع لحالها من الألم.. الحمد لله والشكر لله بفضل الله ثم بفضل تمارينك وكلامك وتشجيعك صرت احسن، ظهري خف المه قعدتي صارت احسن.. انا اول يوم عملت التمارين المرونه وانا بالمستشفى بس بعدين ماعملتها لانه انشغلت مع الناس والأطباء، الحمد لله على كل حال.. جزاك الله خير الجزاء والله يعطيك اجرك بغير حساب.”

“الله يجزيكي الخير كوتش آلاء عم تغيري حياتنا للأفضل.. مع التطبيق زاد التزامي و حرصي ع التمرين خاصة انه متابعتك النا بتشجع عالاستمرار و انه نخلي التمرين جزء اساسي بحياتنا.. كنت عطول عندي مشكلة بالظهر و الرقبة من فوق و ما كان يمر اسبوع ما أتوجع منها، حاليا الي شهر الحمد الله ما شكيت منها و الفضل لربنا و إلك شكله هاي المنطقة كانت ضعيفة و بلشت تقوى.. و ان شاء الله ربنا يقدرني و أضل ملتزمة.. شكراً كتير ع تعبك و مجهودك و متابعتك معنا و يعطيكي الف عافية ❤️❤️❤️”

“كوتش الاء ، حابه اشكرك جزيل الشكر ع المرحلة الاولى الي خلصناها من اعيدي بناء جسمك وبالرغم من عدم التزامي الكامل بالبرنامج ولكني سعيده جدا بالاستفاده الي حصلتها وسعيده اكثر اني جددت اشتراكي 🥳.. الحمدلله كسيده بعمر الاربعينات وبعد سنوات من استهلاك الجسم كنت بمر بمرحلة فقدت طاقتي ونشاطي وايضا نفسيتي والف الحمدلله لله وثم للتطبيق الرائع وتعبك معنا الحمدلله حاسه بطاقة احسن ونفسيه احسن وجسمي رجع يقوي ويتعافى لسه ان شاءلله بنشتغل اكثر لنوصل لنتائج احسن.. التطبيق كان رائع وحل لمشكلة انو الواحد يسجل نادي ومع ضغط الحياة وضيق الوقت ما يستفيد من النادي وما يستمر بالحضور، التطبيق معنا وبالبيت وهاد شجعنا اجبر حالي اعمل التمارين ولو بنقطع فترة برجع بحاول مره تانيه.. والاشي الحلو ايضا تمارين بتركز ع جسمنا مناسبه النا ولمشاكلنا ومدتها مناسبه بتشجعك تخلقي وقت لتعمليها، والفيديوهات الموجوده رائعه سهلت علينا التمارين وحسيت اني مع مدرب خاص بكل تمرين.”

“اشكر كوتش آلاء على سعة صدرها وصبرها معنا ومتابعتها المستمرة وهذا اللي ساعد على الالتزام لتحقيق الاستفادة.. مع الوقت تصير التمارين اسهل واسرع وتشعر بالنشاط والسعادة ويصير الانضباط اسهل ،فكرة التدريب والمتابعة عن بعد مناسبة للبيتوتيين واللي ما يحب يعمل تمارينه في الوقت اللي يناسبه او اللي ما عنده مواصلات مثلا ، طبعا الكوتش تختار التمارين المناسبة لكل حالة وتعدل عليها بالتدريج او حسب ملاحظات المتدربة ، اشكرك كوتش 💐”